كلمات اغنية دفتر سنيني راشد عبدالرحمن 2020

يسهرني الفكر لين الفجر يضويني

و يشع نوره على الدنيا و يضويها

قمت أتذكر و اراجع دفتر سنيني

والنفس تسري على ذكرى لياليها

الليل كنه على الإطلال يدعيني

ما يرحم الليل عينٍ دمعها فيها

الوقت من دون حسك ما يسليني

كن العقارب توقف في ثوانيها

أمسي و طيفك منامه بين رمشيني

وأصبح و طيفك هدب عيني يراعيها

الشوق صوبك على الأضلاع كاويني

ياللي لك العين تضمى وأنت راويها

القلب لك مدهلٍ لو كنت مشقيني

بنيت لك فيه دوله و أنـت واليها

وهذا مقامك ورى الأجفان في عيني

مصيون محدٍ نزل عندك و جاء فيها

و الليل و الحبر و الأوراق تدعيني

تسهر عيوني مع الدعوه وألبيها