كلمات اغنية نار المفارق راشد عبدالرحمن 2023

يا مخاوي الليل أنا همي مخاويني

والعين كثر السهر والحزن مشقيها

لا دوهج الليل حرك كل ما فيني

وجروح وسط الحشا باحت خوافيها

غنيت في غربتي وهيضت لي عيني

وهيضت روحٍ ذبحها فقد غاليها

ذكرا بقلبي يا ابو نايف لها سنيني

سمعت صوتك وقام الفكر يدعيها

وامسيت أقلب ضلوعي بين ناريني

نار المفارق ونار الحب يكويها

ولا مر ذكره وقام الشوق يطويني

ضاقت علي بادية سينا وفيافيها

راح العمر في رجا وصل المحبيني

واحلامنا في الهوا تاهت خطاويها

وهجر الولايف بقلبي كنه سكيني

والبعد عله عجزت القى مداويها

واللي فقد له حبايب والجفا شيني

يا لوع قلبه من الفرقا وبلاويها

يمسي بضيقه ويصبح فيه هميني

ودايم حنينه يجره يم ماضيها