كوبليه ما هي كلمات اغنية المسلة رامي عصام ...؟
تاريخ طرح اغنية رامي عصام الجديده المسلة
٢١ يونيو ٢٠١٢
كلمات اغنية المسلة رامي عصام 2012
افتحلى عيون التليفزيون
خليه يسمعلى و انا احكيله
إسمع مالقهوة كلام موزون
من واحد ادرى بحال جيله
الفرعون ابو كرش اتنكر
و إدانا قفاه مجلس عسكر
اصدر فرمان نبنى مسلة
للشعب المصرى المتهور
لو تسأل اى مواطن فات
على المطرح هل شفت مسلات
هيقولك انا حاسس بيها
مسلة ٢٠١٢
الكهنة اجتمعوا فى جماعة
و بقى ليهم منشور و إذاعة
بيسيبوا العلة و الفولة
و بروحوا يحكوا فى بتاعة
و الريف لسة نائم متسلطن
و موبايله الصينى قاعد يرطم
بيعشى عياله حكاية الغول
و الفول و العيش المتسرطن
لو تسأل اى مواطن فات
على المطرح هل شفت مسلات
هيقولك انا حاسس بيها
مسلة ٢٠١٢
وادى عامل، طالب، ثورى جريح
هم واقفين فى الصف صحيح
و الأمن بيبنى جدار عازل
و مطلع للبلطجة تصريح
واهى فاتت ٢٠١١
فوق رقبة ٢٠١٢
و أدى حزب الكنبة المتفائل
مستنى الخير فى ١٣
لو تسأل اى مواطن فات
على المطرح هل شفت مسلات
هيقولك انا حاسس بيها
مسلة ٢٠١٢
اغنية المسلة رامي عصام 2012 بالكلمات مكتوبة كاملة من كلمات امجد القهوجى والحان رامى عصام وتوزيع طاهر صالح تم طرح اغنية رامي عصام الجديدة على القناة الرسمية على اليوتيوب بتاريخ ٢١ يونيو ٢٠١٢ كوبليه كلمات اغنية
- كلمات : امجد القهوجى
- الحان : رامى عصام
- توزيع : طاهر صالح
