كلمات اغنية فول كافيار رامي عصام 2015

نور عينك قاعد في الظلمة بيولع شمعة ويدعي لك

يبارك لك ربنا في الكرسي ويديك على قد ما تدينا

هو اللي خربها وجيت إنت بتصلح مصر وترفعها

ومفيش أحمال زايدة ده عامل خذ رشوة وهو اللي قطعها

ليك شنة ورنة وليك هيبة، لايق على المنصب وكاريزمة

حرية وعيش وقضاء شامخ أما البنزين فمفيش أزمة

والدنيا جميلة وكله تمام مفيش مسجون من غير تهمة

واللي يعرضوك قلة اندست أو ناس بتشوشر مش فاهمة

وإن كان ع الظلمة هنتعود

وإن كان ع الجوع أهي مش فارقة

وإن كان ع الصلاة على النبي فإحنا

بنصلي يا أخويا من غير ورقة

من امتى اتعودنا نعارض

أمرك على طول ماشي على الكل

وإن كان على الوضع أهو يتحسن

والناس مرتاحة وزي الفل

من حال الناس أنا عقلي إحتار الناس بتشوف الفول كافيار

آه يا ليلي، يا ليلي، يا ليلي

لو تلقى حكومة بتضرب نار، الناس بتقول قشطة إستقرار

من حال الناس أنا عقلي إحتار الناس بتشوف الفول كافيار

آه يا عيني، يا عيني، يا عيني

لو تلقى حكومة بتضرب نار، الناس بتقول قشطة إستقرار

هشتكنا وبشتكنا وعادي وأيادي تسلم لأيادي

إيه يعني وماله مفيش مانع وفي كل حالاتك أنا راضي

داخلية تفض مظاهراتك، والوضع جميل وديمقراطي

تاتا، تاتا جنب الحيط ماشي وهكمل عمري وأنا مطاطي

لا أنا هنزل علي التحرير ثاني ولا ههتف وأطلب إسقاطك

أنا هقطع بإيديّ لساني ولا عمري هراجع قراراتك

ع البركة وسوق بينا وكمل هييجي لي تناحة وهتحمل

ده أنا هنزل وانتخبك ثاني ويا رب يكثر فتراتك

من حال الناس أنا عقلي إحتار الناس بتشوف الفول كافيار

آه يا ليلي، يا ليلي، يا ليلي

لو تلقى حكومة بتضرب نار، الناس بتقول قشطة إستقرار

من حال الناس أنا عقلي إحتار الناس بتشوف الفول كافيار

آه يا عيني، يا عيني، يا عيني

لو تلقى حكومة بتضرب نار، الناس بتقول قشطة إستقرار

آه يا ليلي يا عين