كوبليه ما هي كلمات اغنية فى عهد الظالم رامي عصام ...؟
تاريخ طرح اغنية رامي عصام الجديده فى عهد الظالم
٢٦ يونيو ٢٠١٧
كلمات اغنية فى عهد الظالم رامي عصام 2017
فى عهد الظالم لازم تعانى
تفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغاني
بتاع الحضارة وكانى ومانى
دا كله هجايص ما يدخل ودانى
فى عهد الظالم العذاب بيناديك
بتبدأ فى يومك حاجات بترازيك
فى نومك فى قومك تعكنن عليك
تضايقك ولسه الغمص فى عينيك
مفيش مية تشطف صابونة فى ايديك
وجسمك ملزق وريحتك عديك
وفى عهد الظالم للأسف لازم توافق فى عيشتك تتقرف
وكل الأساسى في حياتك ترف
تنسى الكرامة تنسى الشرف
تسرق تنصب تنحرف
دمعك يجرى جرحك نزف
وعهد الظالم لازم ينتهى
رايح لشغلك هتحتاج مواصله
وادى المترو واقف كهربته فاصله
وفى الميكروباص خناقة وحاصله
واتوبيس فرامله عايزلها واصله
وتوك توك دا تايه محتاج لبوصلة
وترجع لبيتك دا لو كان في بيت
هتوصل هتندم يا ريتك ما جيت
مراتك بتصرخ*خلاص استويت*
عيالك بتطلب هات كيك وكيك
تزعق تهاتى يا ناس اتهريت
ولا حد سامعك مهما هاتيت
وفى عهد الظالم للأسف لازم توافق فى عيشتك تتقرف
وكل الأساسى في حياتك ترف
تنسى الكرامة تنسى الشرف
تسرق تنصب تنحرف
دمعك يجرى جرحك نزف
وعهد الظالم لازم ينتهى
وعهد الظالم لازم ينتهى
وعهد الظالم لازم ينتهى
اغنية فى عهد الظالم رامي عصام 2017 بالكلمات مكتوبة كاملة والحان Ramy Essam تم طرح اغنية رامي عصام الجديدة على القناة الرسمية على اليوتيوب بتاريخ ٢٦ يونيو ٢٠١٧ كوبليه كلمات اغنية
- الحان : Ramy Essam
