كوبليه ما هي كلمات اغنية لسه بحنلها رامي عصام ...؟
تاريخ طرح اغنية رامي عصام الجديده لسه بحنلها
٣١ ديسمبر ٢٠١٧
كلمات اغنية لسه بحنلها رامي عصام 2017
كان كيفى فى ساعة الصبح
أنزل عالقهوه اللى فى حارتي
على ريحة الفول والطعمية
أفطر وأتمزج بسجارتي
إيه
أسلم على ناسي وأهلي
وأصبح على جاري وجارتي
الحلوة تشوفني وتندهلي
مظبوطة ساعتها على ساعتي
إيه
أتمشى معاها ونتكلم
أضحك وأحكيلها وتحكيلي
لحد الدنيا اما تضلم
أسكت فتقول طب غنيلي
يا ليل، يا ليل
أغني فأشوف لمعة عينها
فلاقيها تصلي وتدعيلي
أتوشوش كده بيني وبينها
عن سهر الحب ولياليه
وأطمن كل اللي شاغلها
ما أنا صايع أصلي في حواريه
تضحك وتقول عرفاك شاعر
تلعب بالكلمة وتفاصيلها
تسلك فى متاهة يا واد شاطر
تحبكها وترجع تلايمها
أنا أصلاً مشكلتي في عينها
تاخدني بلاد وتوديني
وبلادي اللي أنا أصلاً منها
بايعاني وبتطلع عيني
أنا أصلاً مشكلتي في عينها
تاخدني بلاد وتوديني
وبلادي اللي أنا أصلاً منها
بايعاني وبتطلع عيني
سيبتك يا حبيبتي وسبتيني
وأنا عاشق لسه بحنلها
محتاج تحضني تخبيني
إيه
أنا هرجع تاني على الحارة
لريحة الفول والطعمية
أنا زي السمكة في سنارة
إيه
أنا هرجع تاني على الحارة
لريحة الفول والطعمية
أنا زي السمكة في سنارة
طلعت روحها بره الميه
آه-آه-أه-آه
يا-آه
إيه
اغنية لسه بحنلها رامي عصام 2017 بالكلمات مكتوبة كاملة من كلمات كريم مجدى تم طرح اغنية رامي عصام الجديدة على القناة الرسمية على اليوتيوب بتاريخ ٣١ ديسمبر ٢٠١٧ كوبليه كلمات اغنية
- كلمات : كريم مجدى
