كوبليه ما هي كلمات اغنية امي الوفه زيد الحبيب ...؟
تاريخ طرح اغنية زيد الحبيب الجديده امي الوفه
٢٣ مارس ٢٠٢٥
كلمات اغنية امي الوفه زيد الحبيب 2025
امي الوفه
ياربي اريد الگى حضن يشبـها حضنهـا
ياربي قليـل بحقـها كلشي نگول عنهـا
ياربي وحده و ما تصيــر ثنين منهــــا
يا امي الما شفت وحده مثـــــــــــــلها
عزيزه تهتـم بيـه اكثــر من نفسـها
عزيزه اعظـم نعمه بالدنيا احســها
عزيزه و ترفع شأن الاشياء التمسها
ذهب التراب ال دوسه بـرجلــــــــها
يمــا
شـوگ و حنان و عاطفه
يمــا
ربيـتي يا ام الوفــــــــه
يمــا
تسـوين هالدنيا و اهلها
يمــا
و احلـى شي حبـج الي
يمــا
يا بعــد ناسي و هلــي
يمـا
روحـي غيرج ما الهـــا
انتـي الحنينه الغـاليه
يا رب عليـــه راضيـه
انتي حيــاتي بأكملها يمه
حنينه الكواكب جاي احس طافن عليها
حنينه ريحــة جنــه اشتـم بحچيـــــها
حنينه امــوت و اعـــدل بلمسه اديهــا
شجـازي عيـونها السهـرت عليــه
گلبـها صافـي و ما حقــد فديـوم مـره
گلبـها يحـب الناس لو حتـــى تكســره
گلبـها عليــه لو اطيـح يصير جمــــره
منو شايــل محنتـها اليــــــــه
يمــا
عطـرج احلى من الهوه
يمــا
انتـي لعيوني ضـــــوه
يمــا
تفــداج دنيا بأكملـــها
يمـا
الكـون يم حبج صفـر
يمـا
يا معلمتني الصبـــــر
يمـا
لعيـونج الناس اهملها
كـل كلـمه منج عافيه
يا نعمه الله الصــافيه
بفضلج الدنيا مكملها ....يمه
اغنية امي الوفه زيد الحبيب 2025 بالكلمات مكتوبة كاملة من كلمات عمار محمد والحان نور الزين وتوزيع سيف سليم تم طرح اغنية زيد الحبيب الجديدة على القناة الرسمية على اليوتيوب بتاريخ ٢٣ مارس ٢٠٢٥ من انتاجزيد الحبيب 2025 كوبليه كلمات اغنية
- كلمات : عمار محمد
- الحان : نور الزين
- توزيع : سيف سليم
- إنتاج : زيد الحبيب 2025
