كلمات اغنية شعور الشوق سالم بن مغيثه 2023

كل ما يعزف شعور الشوق نايه

تستوي ساعات وقتي والدقايق

كأن ما عندي سوى الذكرى هوايا

وكن ما عندي سوى الماضي حقايق

وكأن في صدري ميادين الرماية

وكأن في قلبي مشاهيب الحرايق

ليه أنا من دون حسك شخص تايه

وليه أنا لا شفت وجهك صرت رايق

أدري إنك واثق وعلى دراية

بأن صدري من عقب فرقاك ضايق

بأن صدري، بأن صدري، بأن من عقب فرقاك ضايق

يا بداية ما لها عندي نهاية

ولا لها عندي حدود ولا عوايق

ما يضاهي زينها غير المراية

خصها الله فيه من بد الخلايق

أعذب من المزن لامن هل مايه

وأجمل من الورد في وسط الحدايق

جملك ربي بما فيه الكفاية

من يبي ذمك ما يلقى له طرايق

كل شايه زين فيها منْك شايه

وكل شيً فيك للعينين شايق

كل شيً، كل شيً، كل شيً فيك للعينين شايق

كأنك تسوي لملبوسك دعاية

كل ما تلبس من الأزياء لايق

ما يهمك فيك من هو قال راية

بينك وبين الثقة عقد و وثايق

تدري إنك بين خلق الله آية

وتدري إن حبك بقلبي دوم فايق

ما دريت إنّك لشوف العين غاية

لو تطيق البعد أنا ماني بطايق

يا نهاية عمري ويا أجمل بداية

صاحبك قلبه على لقياك تايق

صاحبك، صاحبك، صاحبك قلبه على لقياك تايق