كلمات اغنية فخر وأمجاد سلطان البريكي 2018

على نار الفخر حمست فكره تتعب النقآد

تجمل شاعرن يذكر بهآ وقفة معآزيبه

يقلبها هجوسن شارداته في الوطن تنقاد

ضميره لو تفرد ما سلم من جور تأنيبه

ليا شب الغضا فيها من الطنخه يفوح قنآد

تداوي راس شاعر منفرد في طرح اساليبه

مواطيها ثقيله لا قبلت ولها عضى وسنآد

تورد راعي القاف الكفو صافي مشاريبه

من اندر ما اكتب في ديرتن تنجب فخر وامجاد

بلادن فوق قوة باس اهلها تفعل الطيبه

إمارات المواقف يوم صكات الزمن تزداد

حقوق الجار يجذبها وعلم الطيب تحري به

خليفه بشتها الضافي لها وقت اللزوم سناد

تهاب عداه وقعه لا اعتزى عطبه مظاريبه

تخبر عن فعل يمناه وترد الخبر الاجواد

وعلم الطيب لو يخفيه وقت الصدق ندري به

على يمنآه فكآك النشآيب علة الحسآد

محمد لا اعتزى راعى الحكى تبرك عرآقيبه

ابو خالد ليا ساق الهقآوي صآدر ورآد

فعوله كآيده والغيم تحته تمشي بهيبه

طموحه ابعد من اللي نشوف وعاد حلمه عاد

يا كيف نشوف واسمه في السماء مبعد مرآقيبه

هذا عين الشعب نبض العرب للدين سيف حاد

مجرده الولي للحق والعربان تدري به

جنوده لاعتزوا بأخوان شما ظربهم يزداد

فعلهم ينذكر بالهز والعذراء تماري به

رجال تنطرب لا صار في الدعوى رمي وزنآد

الا منه اقبل الموت الحمر قامت تهلي به

حرار في ميآدين الحرايب شبلهم هداد

يروح الرجل منهم للوطن واهله تفآدي به