كلمات اغنية فوق النجوم سلطان البريكي 2024

من لقلبن بات تملاه الهموم

لاهنى يومه ولا يهنى مساه

ان ضواه الليل ما والفه نوم

ما ينام الليل من همه بلاه

من وليفن حط في قلبه وسوم

من فراقه ما عرف طعم الحياه

كان لي بسمة عمر وافراح دوم

كنت اشوفه غايه القلب وهناه

حب هاجر بي الى فوق النجوم

وارسم احلام الاماني في سماه

وقلوبنا في قمة العليا تحوم

والامل يقرب ونوصل منتهاه

وآه من طيحه بعدها ما تقوم

من رداة اللي تمادى في قساه

وضاعت الاحلام مافينا سلوم

من رصاصة صابت العمر ومداه

اقتلتني حي واعيتني السموم

من ثمان سنين وانا اصيح آه

قلبي الميت غدى تحت الردوم

كيف ينبض قلب عايش مع سواه

ماتجي الامطار من دون الغيوم

كيف يحيا قلب فارق من سقاه

اشهد ان القلب له جاش وعزوم

بس من فرقى الغضي طاحت قواه

من يلوم اللي مفارق لا يلوم

مايحس العوق غير اللي شكاه

مايحس العوق غير اللي شكاه