كلمات اغنية اطلبك يالمعبود سلطان بن معيض 2020

يالله انا طالبك ضاقت عليه

كل الفضى سكر ولا له مفاتيح

عندك مفاتيح القفال القويه

يامسير الغيمه على هبة الريح

اطلبك يالمعبود رب البريه

انت الذي تسمع ندايه وانا اصيح

يالله برجلاََ يفزع اليوم ليه

رجلاََ مادور من ورايه مصاليح

رجلاً ضفر ماهو برجلاً رميه

ناره توقد من هشيماََ مباطيح

اذا وقف يصعدك راس البنيه

لما تعلى بعاليات الملاويح

ولا تسخرلي هنوفاً نقيه

مداتها لله ماتريد تمديح

بنت الرجال اهل الوفاء والحميه

بسيوفهم تلقى عداهم مساطيح

ودي يسدّ الدين اللي عليّه

وعقب الظلام يشب نور المصابيح

الجيب خالي وخالياتاً ايديه

وان قمت حامت بيه الارض واطيح

يامن يخليها عليه فضيه

ويهد صدره لثقيلاة زحزيح