كلمات اغنية اعصارنا اعصار سلطان بن معيض 2019

باسم ربي نبتدي والراس حامي

والقوافي كما صقع برديه

باسمكم سلطان يارفاع المقامي

جيتكم والجزل كله في يديه

واللعت والضيم والله مانضامي

مارضينا الغلب من بقعا صبيه

الشرارات عزي ياحزامي

يطبخ راسي سطر والنار حيه

جيتكم بالجزل بالصف الامامي

موقفي دايم لكم بالاوليه

انطح كبار الاسامي بالاسامي

بالشرارات يالروس القويه

للشجاعه والفراسه والحسامي

والاصايل والخيول اليعربيه

شرنا يطغى ولا فيها ملامي

للطغاه اللي نووها عنجهيه

نضرب الميدان كالحر القطامي

بالمخالب هدته ماهي خفيه

متعبين اخصامنا للرمي رامي

منثنينن دونهن في كل هيه

كان عدت بالكرم حنا الكرامي

وجيه شر لمن نوونا بالرديه

نحلب الخلفات للضيف وسلامي

بعدها على الشحم والشالذليه

مرحبا بضيوفنا والعز سامي

اقلطوا يامرحبا الفن تحيه

اعصار اعصارنا اعصار

دك الخصوم وتعداها

للنار حنا نشب النار

راس الشراري تبناها

للحرب صغيرنا مغوار

وكبيرنا فوق علباها

ياطا عليهم يدوس اخطار

ماقال ماني بواياها

عاداتنا نرخص الاعمار

والحرب تكثر ضحايها

وفي محفلك ياطويل اشبار

حفلتك لا مانتعداها

مليون مبروك والحضار

عاداتنا مانسيناها

حفلك ياصامد عليه اشعار

حفل الشرارات حياها

وابوك من يكرم الخطار

صباح ويكررررم لحاها

هذاك ابو.دهام ريف الجار

وضيوفه الجزل عشاها

وخالك محمد ابن بوجان

علم على نار يسلم لي

للطيب والمعرفه عنوان

مطنوخ بالعز يذكر لي

وفيك ياصامد خوالك والعمامي

روس تنطح بالمناطح صيرميه

جزلهم طاف الجزل والمد نامي

والعطايا كبار وكفوفن نديه

وروسه يوم المواقف والسهامي

مايهابون ويدوسون المنيه

والكرم فيهم كما ديم استدامي

عن سموم الصيف فيهم كل فيه

والضباعين المغاوير الحشامي

بالكرم والفعل ينهون القضيه

ايه والعزام روسن ماتهابي

للخطر يوم الخطر دندن دويه

والفليحان المطنخ والزهابي

عزنا والعز معروفن سميه

وحلسه يوم ان خبطات الركابي

حربتن يوم المواقيف القويه

قلتها بربعي ولا فيها ملامي

الشراري عز يالروس العصيه

الشراري فوق والعلم التمامي

صيتنا عددا حدود الجاذبيه

ابرك ابرك ايه حنا اهل الجهامي

وارضخ ارضخ للامر دق تحيه

واركد اركد والشراري بالسنامي

ذي عوايدنا من سنينن مديه

ياسلام الله عليكم ياسلامي

في نهاية قاف وحروف ابجديه،،،