كلمات اغنية شيلة الربيع سلطان بن معيض 2021

خلونا نربع ابعذفا والايديه

ونلقّط الفقع في لوقه وقيصومه

ونمر وادي كريم نعيد ماضيّه

يوم اننا جمعةً ما هي بمحرومه

ويوم اننا بالنعيريه ودبيه

وجونا من الخفجي ربعاً صفوة اقرومه

ومنهن على شعبة نصاب ومحاريّه

وتغريب منهن لمنا ناصل الدومه

هذا هوى البال معكم ناركم حيه

خوة نشاما هواها البر وعلومه

لو ان سلطان يشيل النا الحماسيه

غدي ايتحقق لنا الهومه ومانرومه

خلفة رجالاً تعز ان ثارت الهيه

معيض دويشرابن طيحان وسلومه

راع الجريده اكعام اللي سطا بغيّه

يطيح دمه يشل وغرق هدومه

هذا ابو معيض حنجرته ذهبيه

صوته يهيّض حلاة البر وخرومه

جاب الوضيحي عبدالمحسن بالايديه

وقام وعزم للفطور وحي هالقومه

ويقول اخواني ونعم يمناي ويديه

وعزالله انه ونعم الاخو ونجومه

خلونا ندله بظل اللي ضفى فيّه

في ظل سلمان ومحمد قو عزومه

اللي لهم بالبطولات الملكيه

تاريخ يشرّف ورؤية خير مرسومه

وختامها يالنشاما يالسنافيه

الارض خضرا زهت بالغيث ماسومه