كلمات اغنية شيلة الوسم سلطان بن معيض 2019

الصيف زل وهب نود البرادي

عقب البطا هلت مزونن مراديف

جتنا من المنشا غشاها السوادي

مزنن يشوق العين واقبل مهاديف

هلت مطرها سيلت كل وادي

حقوق وانساقت على اقصى المشاريف

باول دخول الوسم علمن وكادي

سهيل ظاهر وانكفت جمرة الصيف

تشوق من عينه غشاه الرقادي

قام يتلامع برقها لمعة السيف

قم جهز العزبه ياذيب المعادي

تجهيزها منكم وانا بالتكاليف

والجيب جاهز مايهاب الطرادي

لكزس علامة صح غال المصاريف

لادق سلفه مثل قدح الزنادي

والياعطا بالخط عشق المواليف

عليه مطنوخن ماهو باحتيادي

يبي له ربوعن كبار التواصيف

عز وشرف واخلاق طيب ومبادي

والكل منهم بالمواجيب حريف

مخيمينن وسط ذيك البلادي

شمال طبرجل جنوبن من طريف

الجو غيمن يسوقه غيم

وتباشروا ربعنا بالديم

والجو صافي ماهو تكتيم

مزحة صدورن شماليه

والارض زانت منابتها

دهم السحايب تغشتها

الله مازين مكاشتها

شمال دار السعوديه

الفقع بانت مطاليعه

مثل الذهب في مراصيعه

يجذبك شوفة مصاليعه

في فيضتن تقل محميه

ومخيمن يلفت الاعيان

والربع كللن فتح ديوان

لاوالله اللا بعد صيوان

مطنخن نارهم حيه

صفر الدلال المباكيري

بغداد واجمل تعابيري

فنجالها للمساييري

ينساق ياطيب النيه

وام الحوير فوقها طول يدها

درت حليب وقام يرضع ولدها

وطاسه من الرغوه تظشر زبدها

قم قدمه لمعرب الجد والخال

والطير حر وهدته تطرب انظار

حرن وكفخاته على كف صقار

مدربه راعيه لاراحن طيار

جاب العشاء والدم في مخلبه سال

حرن بتوع ونادراتن حلاياه

لاتل سبقه ماتغير نواياه

واليازهمه راعيه جاء له من اقصاه

متفهق الجنحان للجول قتال

بارضن خلا لافرعه تقل قايد

طلعه بعيد وشاف بالعين نايد

جول الحباري هد صايد وفايد

يبري عمس خاطر ويشرح له البال

هذي حلاة العمر ياللي تقولون

البر طب اللي شكى اعراض قالون

وناسة الانسان والرزق مضمون

والله يحفظ دارنا لكل الاجيال