كلمات اغنية طلعة سهيل سلطان بن معيض 2023

من ينشد الزعاق عن طلعت سهيل

نفسي سموم القيض تكره لهيبه

نبغى نسج عن البلد والمخابيل

نستقبل افواج السحاب المهيبه

على ضهر جيبً حديث التفاصيل

من مصنعه ماكل رجلً يجيبه

مع الوعر ولا دروب التساهيل

سواقه المنعور قايد كتيبه

فخامته ماتشبه الا الحلاحيل

حرً فعوله بالمواقف عجيبه

من وارد الأحمر نفلله تفليل

ماهمنا لو زاد سعر الضريبه

وناخذ لنا عزبه وخمسة رجاجيل

ارداهم اللي كن هداج طيبه

روس النشما متعبين المعاميل

منهم فعوله الطيب ماهي غريبه

ونضبط لنا براد ولا فنيجيل

محبوك مابه اي شكه وريبه

نبغى نسيم الليل ومقابل السيل

والخايع الممطور ربك حسيبه

نبغى نسج الليل ونسري الليل

لاضاقت صدور الرجال الرحيبه

ونبعد عن الهافي وعن بارد الحيل

اللي فعول الطيب ماهي نصيبه

يدور الخمالات ويدور الميل

عاقب عباد الله نمً وغيبه

مبطي وهو طافح من امثاله الكيل

رفقته ماهي لازمه وش نبي به

حنا نعس الارض ونروض الخيل

ونعرف مواري الطيبه والمعيبه

ماضاقت فجوج السعه بالمقابيل

حنا ذرى من يقطع الوقت صيبه