كلمات اغنية طيبة قلبي سمسم شهاب 2015

بيعيرونى ب طيبة قلبي

وبيقولوا لي الذنب ذنبي

وبيقولوا لي ده مافيش كده حد النهارده

وبيقولوا لي مافيش كده حب الزمان ده

وبيقولوا لي الحب عيبة والطيبة خيبة

و اللي عنده ضمير يشوفله دنيا تانية

و بيقولوا لي خليك مفتح اتعافي واجرح

و اي حد ابيعه مهما كان في ثانية

وبيقولوا لي الدنيا بورصة وان جاتلى فرصة

امسكها لو جاتلي بايدى انا وسنانى

وبيقولوا لي قلبك ده عيبك وقيمتك ف جيبك

مصلحتى بس انا وانسي اي حد تانى

وياما قالوا اتغدى بيهم قبل مايتعشوا بيك

ولازم انجح في القساوة بامتياز واخدع واغش

وخلي قلبي ده ياناس زى الفولاذ مابينكسرش

وبيقولوا لي زمن الشهامة راح بالسلامة

و البقاء في الدنيا دى للي يقدر

وياما قالوا ابقي انتهازى واخد التعازى

في ضميري واخد حق غيري من غير مافكر

وبيقولوا لي دور البطولة والحبة دولة

مبقوش خلاص ليهم مكان ولا اي لازمة

وياما قالوا اكدب و لوع اهاود واطاوع

وانسي المبادئ اللي عاملة لقلبي ازمة

وبيقولوا لي خون وشكك في القريب قبل الغريب

وبيقولوا لي ان الزمن ده لا فيه حرام ولاي عيب

فاكرنى هزعل من جراحى ياناس واتوب

واصدق ان الطيبة والاخلاص عيوب

مهما تقولوا لي انا مش مصدق انا عندى مبدء

وصعب اغير اللي انا اتربيت عليه

قلبي واربي اي غل وكرهة فيه

مهما تقولوا لي لا هغش غيري ولا ابيع ضميري

ولا هقبل انى ف يوم اكون شيطان رجيم

مهما تقولوا لي هفضل بحالتى راضي بشيلتى

انسان بجد و قلبه ده صافي و سليم