كلمات اغنية الليلة الكبيرة سيد مكاوي 1961

اوبريت الليله الكبيره

قبه سيدنا الوالى دول نوروها

قبه سيدنا الوالى دول نوروها محلى البيارق والناس بيزوروها

قبة سيدنا الوالي فى الجو عاليه

ما احلى البيارق لما دوروها ما احلى البيارق لما دوروها

حمص حمص تل ما ينقص عالنار يرقص

يرقص يرقص ويقول .. الي شاف حمّص ولا كلش

حب وأتلوع ولا ولا طلشي

يسترك هات حبة بقرش

هاها ها ها .. ها او

حمّص .. حمّص .. حمّص

حمّص .. حمّص .. حمّص

لله الله طعميه الله الله الله باللوز

عجميه الله الله الله اراجوز الله الله الله

الليلة الكبيرة يا عمي والعالم كتيرة

مالين الشوادر يابا من الريف والبنادر

الليلة الكبيرة يا عمي والعالم كتيرة

مالين الشوادر يابا من الريف والبنادر

دول فلاحين ودول صاعدية

دول من القنال ودول رشايدة

الليلة الكبيرة يا عمي والعالم كتيرة

الليلة الكبيرة يا عمي والعالم كتيرة

مالين الشوادر يابا من الريف والبنادر

يا حضرة الاراجوز قوللي

نعم يا عمدة عاوز ايه

منين يروحو المتولي

امدح نبينا وصلي عليه

طب اللهم صلى عليه

تمشي كده على طول على طول لحد ما تلاقي عمارة

لحد ما الاقي عمارة

تدخل يمين تلقى بتاع فول دكانته على ناصية حارة

دكانته على ناصية حارة

تدخل يمينك وشمالك شارعين وفي التالت تكسر

شارعين وفي التالت أكسر

على اليمين واخد بالك .. وتمشي على طول تتمخطر

وأمشي على طول واتمخطر

تفضل كده تمشي ودب .. وتخش من مطرح ما طلعت

وأخش من مطرح ما طلعت

ولما تلقى مقلة لب ولما القى مقله لب

تعرف بأنك تهت وضعت

ايوه دي وصفة هايله دى وصفه سهله

ايوه دي وصفة هايله دى وصفه سهله

مع السلامة .. مع السلامة مع السلامة يا ابو عمة مايلة

مع السلامة يا ابو عمة مايلة مع السلامة يا ابو عمة مايلة

فتّح عينك تاكل ملبن

فينك فينك .. تاكل ملبن

طب فتّح عينك تاكل ملبن

فينك فينك .. تاكل ملبن

أوعى لجيبك للعيب عيبك

قرّب .. جرّب .. نشّن

وسطن ايدك .. وسطن

أضرب ..

يحميك يا ابني تبقى غالبني

قرّب خدلك حتة ملبن

قرّب خدلك حتة ملبن

قرّب خدلك حتة ملبن

فوريرة للعيل يا ابو العيال ميّل

فوريرة للعيل يا ابو العيال ميّل

خدلك سبع فرارير

زمّارة شخليلة

عصفورة يا حليلة

طراطير يا واد طراطير

طراطير .. طراطير طراطير طراطير

طراطير .. طراطير طراطير طراطير

طراطير طراطير طراطير

الليلة .. اللية السيرك تعالو دي فرجة تساوي جنيه قولو هيه ..

هيه هيه هيه

بمناسبة هذا المولد يا ولاد قولنا فرجه سواريه قولوا هيه هيه هيه

الليلة .. اللية السيرك تعالو دي فرجة تساوي جنيه قولو هيه ..

هيه هيه هيه

بمناسبة هذا المولد يا ولاد قولنا فرجه سواريه قولوا هيه هيه هيه

هيه .. هيه .. هيه

في السيرك شجيع يهجم على السبع ويركب دغري عليه قولو هيه ..

هيه هيه هيه

وبنات قمرات زي الشربات حلوين مش عارف ليه قولو هيه

هيه .. هيه .. هيه

وبنات قمرات زي الشربات حلوين مش عارف ليه قولو هيه

هيه .. هيه .. هيه

وكمان بلياتشو تعالو اسمعو ناتشو

وكمان بلياتشو تعالو اسمعو ناتشو

وشوفو حيعمل ايه قولو هيه

هيه .. هيه .. هيه

السمك مقلي .. كل وبرقلي

صنف زي الفل

استخار واختار فشة أو منبار

يلا يلا سمي وكل

يلا يلا سمي وكل

طب يلا يلا سمي وكل

أسعى .. أسعى .. أسعى .. أسعى

خدلك صورة ستة في تسعة

أسعى .. أسعى .. أسعى .. أسعى

يا سي عجورة النار خسعة

أسعى .. أسعى .. أسعى .. أسعى

ناس من بلدنا هناك اهم روح ياابراهيم انده لهم

سلامات سلامات سلامات

سلامات .. سلامات .. سلامات على البلدايات

سلامات .. سلامات .. سلامات على البلدايات

الحضره والذكر انجلى انجلى انجلى

أنشد ولعلع يا ولة .. يا ولة .. يا ولة

الحضره والذكر انجلى انجلى انجلى

أنشد ولعلع يا ولة .. يا ولة .. يا ولة

شفت في منام صاحب المقام .. ده اوبه ..اوبه الله حى

ويمامة حايمة عليه تسبح ربها

يا نور النبي .. يا نور النبي

ميّلت فوق يده وجيت احبها احبها احبها

صحوني من النوم .. خدت بعضي وتني جى تنى جى وبعودة

صحوني من النوم .. خدت بعضي وتني جى وبعودة وبعوده

يا أم اامتطاهر رشي الملح سبع مرات

في مقامه الطاهر خشي وقيدي سبع شمعات

يا أم اامتطاهر رشي الملح سبع مرات سبع مرات

في مقامه الطاهر خشي وقيدي سبع شمعات

يا أم اامتطاهر رشي الملح سبع مرات

في مقامه الطاهر خشي وقيدي سبع شمعات

يا أم اامتطاهر رشي الملح سبع مرات

في مقامه الطاهر خشي وقيدي سبع شمعات

يا عريس يا صغير علقة تفوت ولا لحد يموت

لابس ومغير وحتشرب مرقة كتكوت

يا عريس يا صغير علقة تفوت ولا لحد يموت

لابس ومغير وحتشرب مرقة كتكوت

بالذمة ده سابع عيّل مزفوف من وقت قليل

مولد شلاه يا معلم .. عقبال أولادك

واحد مظبوط واتنين مصري

عالنار حاضر جايلك دغري

مساء التماسي .. مساء التماسي

يا ورد قاعد على الكراسي

مسى التماسي .. مسى التماسي

يا ورد قاعد على الكراسي

مسى التماسي .. مسى التماسي

يا ورد قاعد على الكراسي

مسى التماسي .. مسى التماسي

يا ورد قاعد على الكراسي

مسى التماسي .. مسى التماسي

يا ورد قاعد على الكراسي

مسى التماسي .. مسى التماسي

يا ورد قاعد على الكراسي

مسى التماسي .. مسى التماسي

يا ورد قاعد على الكراسي

مسى التماسي .. مسى التماسي

يا ورد قاعد على الكراسي

مسى التماسي .. مسى التماسي

يا ورد قاعد على الكراسي

مسى التماسي .. مسى التماسي

يا ورد قاعد على الكراسي

هات شاي يا دقدق ..عينى وراسى

سمعنا يا ريس حنتيرة

للصبح معاك السهيرة

سمعنا يا ريس حنتيرة

للصبح معاك السهيرة

سمعنا .. سمعنا .. سمعنا .. سمعنا

يا غزال .. يا غزال العشق حلال دوبتني دوب خلتني خيال خيال

يا غزال .. يا غزال العشق حلال دوبتني دوب خلتني خيال خيال

يااااااه .. شفتك فص فراولة .. و انا لا قوة ولا حول

و شفتك فص فراولة .. وانا انا لا قوة ولا حول

دوبتني قلبي على لولاه .. آه يا غزال آه ياغزال

يا غزال العشق حلال دوبتني دوب خلتني خيال

يارب يا عالم بالحال .. تهدي حبيبي ويصبح عال

يارب يا عالم بالحال .. تهدي حبيبي ويصبح عال

واغني وارقع بالموال .. واقول يا ليل

شفتك فص فراولة .. و انا لا قوة ولا حول

و شفتك فص فراولة .. وانا انا لا قوة ولا حول

دوبتني قلبي على لولاه .. آه يا غزال آه ياغزال

يا غزال العشق حلال دوبتني دوب خلتني خيال

يارب يا عالم بالحال .. تهدي حبيبي ويصبح عال

يارب يا عالم بالحال .. تهدي حبيبي ويصبح عال

يارب يا عالم بالحال .. تهدي حبيبي ويصبح عال

يارب يا عالم بالحال .. تهدي حبيبي ويصبح عال

واغني وارقع بالموال .. واقول يا ليل

وقّف يا ريس حنتيرة

فيه ناس هنا قاعدة كتيرة

ولا حد قال هات تعميرة ولا واحد شاي

ولا حد قال هات تعميرة ولا واحد شاي

اه .. الي حيطلب راح يقعد ولا ما يطلبش يبعد

يلا بينا نخرج يا مسعد شارع التورماي

أنا شجيع السيما أبو شنب بريمة

أنا شجيع السيما أبو شنب بريمة

أول ما اقول علي هب

واصرخ لي صرخة

ها .. ها .. ها

السبع يتكهرب ويبقى فرخة

حالا بالا سأصارع أسد أنما ايه متوحش

وحخلي وجهه شوارع

تصقيفة يا ناس ميصحش

أهو جه أهو جه .. تصقيفة بقى

أهو جه أهو جه .. تصقيفة بقى

تصقيفة أومال .. تشجيعة أومال

تصقيفة أومال .. تشجيعة أومال

تعالى لالي الالى الالي يا حبيبي تعالى لالي

تصقيفة أومال .. تشجيعة أومال

تصقيفة أومال .. تشجيعة أومال

تعالى لالي الالى الالي يا حبيبي تعالى لالي

إوعد يارب إوعد .. إوعد يارب إوعد..

أدي كمان قهوة .. يلا بينا يا مسعد ندخل على سهوة ايوة على سهوة

ندخل على سهوة ايوة على سهوة

طار في الهوى شاشي وانت متدراشي يا جدع

طار في الهوى شاشي وانت متدراشي يا جدع

طرفه شاورلي شاورلي عليك .. حكم الهوى ماشي

حكم الهوى ماشي

طار في الهوى شاشي وانت متدراشي يا جدع

طار في الهوى شاشي وانت متدراشي يا جدع

طرفه شاورلي شاورلي عليك .. حكم الهوى ماشي

حكم الهوى ماشي

يا حلاوة يا حلاوة يا حلاوة

يا حلاوة يا حلاوة يا حلاوة

يا حلاوة يا حلاوة يا حلاوة

هوى العصاري هواه على سطح دارى ياواد

هوى العصاري هواه على سطح دارى ياواد

خدني ورماني رماني عليك ولا انت داري

طار في الهوى شاشي وانت متدراشي يا جدع

طار في الهوى شاشي وانت متدراشي يا جدع

طرفه شاورلي شاورلي عليك .. حكم الهوى ماشي ماشى ماشى

حكم الهوى ماشي

يا حلاوة يا حلاوة يا حلاوة

يا حلاوة يا حلاوة يا حلاوة

يا حلاوة يا حلاوة يا حلاوة

آهين يا ناري .. يا ناري

منك يا جاري

آهين يا ناري .. يا ناري

منك يا جاري

خني ورماني .. رماني عليك هوى العصاري

طار في الهوى شاشي وانت متدراشي يا جدع

طار في الهوى شاشي وانت متدراشي يا جدع

طرفه شاورلي شاورلي عليك .. حكم الهوى ماشي

حكم الهوى ماشي ماشى ماشى

ماشي كلامك آه الي حيطلب راح يقعد

والي ميطلبش يبعد

يلا بينا نخرج يا مسعد شارع التورماي

ورينا القوة .. يا ابني انت وهو

ورينا القوة .. يا ابني انت وهو

مين عنده مروّه وعاملي فتوة

يقدر بقادرة على زق الطارة .. ويفرقع بومة

وسع .. وسع .. وسع

أنا أزق الطارة وأضرب مية بومة

أنا الاسطى عمارة من ضرب شاكما

صيتي من القلعة للقلعة لسويقه اللاله

صيتي من القلعة للقلعة لسويقه اللاله

صيتي من القلعة للقلعة لسويقه اللاله

صيتي من القلعة للقلعة لسويقه اللاله

أنا واخد السمعة

طيب يلا تعالى

لا يا عم سعيدة

دي البدلة جديدة

هأ هأ هأ سعيدة يا ابو بدلة جديدة

هأ هأ هأ سعيدة يا ابو بدلة جديدة

هأ هأ هأ سعيدة يا ابو بدلة جديدة

يا أولاد الحلال .. بنتي تايهة طول كدة

رجلها الشمال فيها خلال زي ده

زحمة يا ولداه .. كام عيّل تاه فوريره للعيل

الليلة الكبيرة يا عمي والعالم كتيرة

مالين الشوادر يابا من الريف والبنادر

الليلة الكبيرة يا عمي والعالم كتيرة

مالين الشوادر يابا من الريف والبنادر