كلمات اغنية اوعى لنفسك شادية 1956

أوعى جمد قلبك

أوعى لنفسك جمّد قلبك ، خاف على روحك واترجاني

واخدة بطولة و(بوكسيرة ) أولى وانت لسة ملاكم تاني

اياك تدخل يوم مباراه وخصوصا مع جنس لطيف

واوعى تعيّط وتقول آه اذا كان خصمك دمه خفيف

ولا تتألم ..خُـد ..خُد واتعلم ..خُـد

بعد الشر عليك جرى إيه

طب (هاف تايم ) هوّي عليه

اسمع مهما تزيد عن حدك أنا في (البوكس) قوية ونار

حاسب ، حاسب أنا مش قدك اخدتها جد وهيّ هزار

كده هو مثلا ..خُـد ، مثلا مثلا .. خُـد

أومّال بس ح أقول لك ايه ؟

هوّي عليّ وهوّي عليه ..

لما أديلك بوكس في عينك حتشوف بيها الحاجة اتنين

كلمة في سرّك بيني وبينك ، اتعلمته يا شاطر فين ؟

آدي أصوله ..خُـد ، وآدي مفعوله ..خُـد

لا ما فيناش من كده جرى إيه

طب هاف تايم ، هوّي عليه ..اوعى لنفسك