كلمات اغنية مين هو شادية 1956

مين هو مين هو

مين هو اللي أنا عايزاه

فين هو فين هو

فين هو اللي أنا أهواه

وأديله شبابي وقلبي

محتارة ومش لاقياه

مين مين مين مين مين هو

فين فين فين فين فين هو

مين فين هو

****

فين اللي أدوب في عينيه

وأموت من لمس إيديه

وأن فاتني أبوس رجليه

وأعيط وأجري وراه

مين في الدنيا دي

مين هو

عمالة بنادي

فين هو

لا أنت ولا هو ولا هو

والكل بيطلع مش هو

مين مين مين مين مين هو

فين فين فين فين فين هو

مين فين هو

****

فين اللي تبانلي حلاوته

كل ما تقتلني قساوته

وتزيد على قلبي غلاوته

لما مايرحمش الاه

عطشانة لحبه

مين هو

فين اللي أحبه

فين هو

لا أنت ولا هو ولا هو

والكل بيطلع مش هو

مين مين مين مين مين هو

فين فين فين فين فين هو

مين فين هو

****

دورت كتير حواليا

ولا واحد مالي عينيا

لسه ماظهرش ليا

ومسيري في يوم وألقاه

قولولي قولولي

يا مين يجيبهولي

لا أنت ولا هو ولا هو

والكل بيطلع مش هو

مين مين مين مين مين هو

فين فين فين فين فين هو

مين فين هو