كلمات اغنية من وين لك شبل الدواسر 2021

من وين لك كل هذا الحسن يا أم الخمار

البارحة جاب فيني زينك الغايبة

كشفتي اللي سرق قلبي نهار جهار

علمتك السرقة من أموالي السايبة

عجزت أداري الذهول ونظرة الإنبهار

وأنا أحسب إني ثقيل ودهشتي غايبة

وإن قامت الشمس تمزج في بياضك حمَار

قلت الشفق مع حضور الشمس وش جايبة

من وين لك كل هذا الحسن يا أم الخمار

البارحة جاب فيني زينك الغايبة

وإن قلت سلسال ولا عقد قلتي مجار

عقد لكن فصوصه بنحري ذايبة

الله يلوم اللي يلومه بها الإنصهار

يا ليته يصيبني مثل الذي صايبه

ومعنقٍ طوله يخليه ياخذ قرار

إليا تحسّف يرد الكلمة العايبة

إن قلت عين الوحش وإن قلت عزة حرار

قل أي إجابة وأقول إجابتك صايبة

من وين لك كل هذا الحسن يا أم الخمار

البارحة جاب فيني زينك الغايبة

يا رب ثبتني ليا دار ذاك الحوار

النظرة المذنبة والبسمة التايبة

يلاه تعالي نمارس لذة الإنتصار

وأفرّح أصحاب قلبي وأقهر أعداي به

بردت بك كبدي من الصبر والإنتظار

عقب ما نفسي من أشباه البشر طايبة

إنت دخولك حياتي كان رد إعتبار

لأيامي المجدبة وظنوني الخايبة

من وين لك كل هذا الحسن يا أم الخمار

البارحة جاب فيني زينك الغايبة