تاريخ طرح اغنية شريف إسماعيل الجديده مسحوا جرافيتي الشهدا
٢٥ سبتمبر ٢٠١٢
كلمات اغنية مسحوا جرافيتي الشهدا شريف إسماعيل 2012
دنجى دنجى نجى دنجى دنجى نجى
أول كرامات النهضة طلعت جـاحدة ونساية
مسحوا جرافيتى الشهـدا لكن أنا ريشتى معايا
دنجى دنجى نجى دنجى دنجى نجى
كان هنا خرطوش من ناحية والغاز ف الجنب التانى
وابو ناب متخبى ف لحية سلمنى لإيد الجـــــــانى
والطلقة شيــاطها ف صــدرى بيشـاور ع اللى أذانى
وعزايا خدوه من بدرى وانا دمى مدفى ميدانى
أول كرامات النهضة طلعت جـاحدة ونســـاية
مسحوا جرافيتى الشهـدا لكن أنا ريشتى معايا
دنجى دنجى نجى دنجى دنجى نجى
ياقلوب نضحت غباوتها واتفقت ويا البـــاشا
الروس إزاى تتساوى حاشا ان دا يحصل حاشا
مينـــــا وعفت وحـرارة سيـــرة تشــرف وتعلى
وابو حسبة فاكرها شطارة هيعيش ف الذل تمللى
أول كرامات النهضة طلعت جـاحدة ونساية
مسحوا جرافيتى الشهـدا لكن أنا ريشتى معايا
دنجى دنجى نجى دنجى دنجى نجى
ياعقول ضِلمة وهــــدامة مين دا اللى حيلوى ايدينا
احنـــــا اللى هتفنا كــــــــرامة وبأحــلامنا اتوضينا
تمسحوا رح نرسم تانى لو كانت مليون صورة
بيها معــروف عنوانى و بيها عنيكم مسكورة
أول كرامات النهضة طلعت جـاحدة ونساية
مسحوا جرافيتى الشهـدا لكن أنا ريشتى معايا
دنجى دنجى نجى دنجى دنجى نجى
اغنية مسحوا جرافيتي الشهدا شريف إسماعيل 2012 بالكلمات مكتوبة كاملة من كلمات اشرف الشافعي تم طرح اغنية شريف إسماعيل الجديدة على القناة الرسمية على اليوتيوب بتاريخ ٢٥ سبتمبر ٢٠١٢ كوبليه كلمات اغنية
- كلمات : اشرف الشافعي
