كلمات اغنية مين جابكوا من الزنازين شريف إسماعيل 2012

ولا فيكو مـــــــولانا ولا بينكـــو سيْـدّنا

مـــــولانا علانا ومافيش مابينــا وسيط

وقلوبنــا بتــــــدلنا وضميرنا مرشـــدنا

لا بنعشق الصفقات ولا لينا ف التربيط

سبنا الدفـــا لناســــه و نزلنا عز البرد

قولنا ح نــوفى الندر بالدم ف الميادين

وف أسبوعين اتنين أدينا عنكو الفرض

عملتوا إيه انتو ف سنينكم التمـانين ؟!!

ماتكدبوش ع الناس وتلخبطوا الموازين

لا الشعب ده قاصـــر ولا البلد عزبة

وان كنتو مش فاكرين مين جابكو م الزنازين

نرجــــع نفكـــــركم ونظبط الحسبة