تاريخ طرح اغنية شيرين عبدالوهاب الجديده وانت ماشي في سينا
٠٤ أكتوبر ٢٠٢٢
كلمات اغنية وانت ماشي في سينا شيرين عبدالوهاب 2022
ماشي في سينا
وانت ماشي في سينا حاسب رمل سينا كله دم
من زمان مات لك هنا خال و اب وابن عم
وانت ماشي في سينا حاسب رمل سينا كله دم
من زمان مات لك هنا خال و اب وابن عم
وناس كتير مش معدودين وجد كان شايل في جيبه
سلسلة مكتوب عليها اية من سورة ياسين
جدتك تدعيله يرجع وهو نفسه في الشهادة
تدعي هي بس هو عمره ما قال امين
وانت ماشي في سينا حاول تفتكر مات فيها مين
وانت ماشي في سينا ادعي واحنا وياك نقول امين
كل شبر في سينا غالي ارضها ملهاش مثيل
شمسها وضحكة نهارها ونور قمرها في ليل طويل
شوف بساطة اهلها والطبيعة وسحرها
او جمال الجو فيها ولا مية بحرها
النجوم ماس في سماها و شكلها بين الجبال
سينا عين مصر اللي شافت بيها ايه معنى الجمال
رحلة العدرا و يسوع عدوا فيها من هنا
في ارضها سيدنا موسى عاش و كلم ربنا
سينا درة تاج بلدنا ردها لينا جدودنا
والنهاردة بقت امانة لينا و لولاد ولادنا
وعد هنصونها بحياتنا جوه قلبنا وفي عنينا
عهد من جيلنا وكلمة والتزام واجب علينا
وانت ماشي في سينا حاول تفتكر مات فيها مين
وانت ماشي في سينا ادعي واحنا وياك نقول امين
اغنية وانت ماشي في سينا شيرين عبدالوهاب 2022 بالكلمات مكتوبة كاملة من كلمات محمد ابراهيم والحان هشام جمال وتوزيع مادي تم طرح اغنية شيرين عبدالوهاب الجديدة على القناة الرسمية على اليوتيوب بتاريخ ٠٤ أكتوبر ٢٠٢٢ كوبليه كلمات اغنية
- كلمات : محمد ابراهيم
- الحان : هشام جمال
- توزيع : مادي
