كلمات اغنية دمع المحاجر صالح ال كليب 2021

إن عطيته، عطيته صادق الحس

من هجوسٍ يجله

أتفداه وآخذ شره وشري

وإن طلبته أبي شوفتهْ وعناقه

ليته يشوف حالي، حالي كيف ويعس

خاطره ما يمله

ويعرف وش تقديره وقدري

والله إنه ما عاد يطري فراقه

بري حال الذي لاضاق هوجس

عقب ما غاب خله

لاضواه الحزن والضيق بدري

وبان حزنه وطاحت دمعة أحداقه

حالتي مثل حاله كل ما أونس

في المعاليق مله

فاض دمعي من اعيوني وصدري

ضيقته جاي له في داخل أعماقه

كل ما ذعذع الغربي ونسنس

أسري الليل كله

سامرتني نجوم الليل وأسري

لين يبدى الصباح ويشرق إشراقه

الله أكبر يا دموع المحاجر

فيضها لاسمع صوت المحاجر

والله إنه مثل طعن الخناجر

من يمين اللي من الثار ما اعفى

محجر عيوني من الدمع غارق

والله إن دمعي سبق كل بارق

لعن أبو طاري الهجر والمفارق

من وليف ما التفت عقب ما أغفى

لا انعس الدالهين اسريه ما نعس

لو طريقي ما أدله

من سبايب وليفٍ راح وأدري

ما يبي يبتعد ولا أبغي افراقه

كل ما مرني طاريه ما اجلس

لعن أبو الهجر عله

كأنه إذا طرى يقفي بعمري

وما التفت للذي له متعبٍ ساقه

ارتخى حبل وصله عقب ما امتس

وعقدته ما تحله

ودي أنسى الغلا وأجفاه وازري

لابغيت أتناسى جاتني اشفاقه

الله أكبر يا دموع المحاجر

فيضها لا سمع ضوت المحاجر

والله إنه مثل طعن الخناجر

من يمين اللي من الثار ما اعفى

محجر عيوني من الدمع غارق

والله إن دمعي سبق كل بارق

لعن أبو طاري الهجر والمفارق

من وليف ما التفت عقب ما أغفى

ليت صوتي يساعدني وأهجرس

وأتغنى وأشله

غير ما هو بنايح نوح قمري

يكفي إحساسي اللي عانق أشواقه

إن عطيته، عطيته صادق الحس

من هجوسٍ يجله

أتفداه وآخذ شره وشري

وإن طلبته أبي شوفتهْ وعناقه

ليته يشوف حالي كيف ويعس

خاطره ما يمله

ويعرف وش تقديره وقدري

والله إنه ما عاد يطري فراقه

الله أكبر يا دموع المحاجر

فيضها لا سمع ضوت المحاجر

والله إنه مثل طعن الخناجر

من يمين اللي من الثار ما اعفى

محجر عيوني من الدمع غارق

والله إن دمعي سبق كل بارق

لعن أبو طاري الهجر والمفارق

من وليف ما التفت عقب ما أغفى