كلمات اغنية وزاره اسكاني صالح ال كليب 2023

هلا بك يا شريك الروح ياللي فالحشا سكناك

تحَت امرِك و لعْيونك انا واوزارة اسكاني

تغيب و حاضرٍ طاريك لو طوّل عليّ ألقاك

يجول بْخافقي بين الوريد و بين شرياني

هلا بك يا أمل عمري و منوة قلب يتمنّاك

عساني ماعدم طلّتْك يا ربعي و خلّاني

اشوفك غير ذرّ آدم و حوّى جلّ من نقّاك

مميّز عن جمال الناس كهلاني و عدناني

حلاة اسمي ليا ناديتني بشْفاك لين اشفاك

اروّح ملح كيف اليا نطقت اسمي و عنواني

الا ويلي على شوفك و من زينك و حلْو احكاك

ومن فستان لونه فالشكِل غنّوج لبناني

جمالك يوسيفي سبحان من هو جمّلِك واعطاك

مزايا فارقه ما فيه مثلك واحد ٍ ثاني

مثل غمازة اخدودك غمزت بْحاجبك هاذاك

انا قد متّ منها مير لطف اللٓه نجّاني

غريرتْك الطويله ما لها جدوى على عيناك

وسيعاتٍ عيونك و الشعَر من فوقها داني

بدينا من غرام اطفال واصبحنا انا ويّاك

حبيبٍ مع حبيبه مَ افترقنا و العمِر فاني

انا مقوى على هجرك و لا بعدك و لا فرقاك

وانا شاريك بـ انفاسي وابيع الكلّ مجاني

معي هالحين وان غيابت والله مستحيل انساك

اذا لك حسْن ربّاني انا لي حبّ ربّاني