كلمات اغنية القفر البعيد صالح ال مانعه 2024

ناحر بي القفر البعيد اللي تداعبه الرياح

والغيمة أم النافع الصيب تعده دارها

لا زارته عقب المقيض اللي تفاصيله شحاح

هلت على صدره دموع الشوق عقب أسفارها

دارٍ هواها لا اعترض له صدري الغلق استراح

انقاض صدري كأن نسانيسه تعيد اعمارها

لا زرتها يشمل هل الدنيا من ضلوعي سماح

عزي لصدر يوم زعله الزمن ما زارها

عزي لصدر يوم زعله الزمن ما زارها

محتاج اعشيها مع ترثة مدسمة الرماح

كل ابلج لا هابو دروب المراجل سارها

واللي طلبنا الله ودار الهيل قدام الصباح

من ناحلة خصر يبين الزود في مسمارها

أطاول المغضاي في شفي مع طير الفلاح

والرزق عند مسير نجوم السماء واقمارها

والسيت ليمن فيه شغمومٍ معه مزحي مباح

الأرض ما يسوى ذهبها في نظره غبارها

الأرض ما يسوى ذهبها في نظره غبارها

السيت ليمن فيه شغمومٍ معه مزحي مباح

الأرض ما يسوى ذهبها في نظره غبارها

وخلافه اللي كأن تهباشه إلا قبل وراح

قرم جفى ظلم الزنازين وجفته امتارها

فرخ بحريٍ ما دخله الذل من مومي جناح

ما لاح في عينه حلال كبارها وصغارها

عنده على اللي في الخضيرا كأنها رقمة وضاح

صملة سبوق تخلف اللي ما يلين طيارها

صملة سبوق تخلف اللي ما يلين طيارها

هذي طروفة عمر رجالٍ قضى عمره كفاح

أيام عمره فالمدينة متعبة تكرارها

واللي نهب من كف جور الوقت لحظاتٍ ملاح

كأنه خطم راس الحياة وقادها بأقطارها

يطلب من الله ستر جاه وخاتمة خير وصلاح

الأرض ما يرجي فقاراها ولا تجارها

الأرض ما يرجي فقاراها ولا تجارها