كلمات اغنية مرابيع صدري صالح ال مانعه 2022

يامرابيع صدري لو تشح مخبور

وجه ماضيك لو جارت ظروفه طويل

روحك ام الخزاما لو كلتها الدهور

عادها الوجهه اللي تستحق الرحيل

دونها ضحت الزله بصبر الصبور

واومت بذكرياته في بحور الخليل

عود الطرقي اللي ما ذكر بك قصور

يمدحك كل ما هب النسيم العليل

السنين المريفه والسنين الدبور

جعل تفداك بأخطاها كثير وقليل

لو تبدل تراحيبك بصمتٍ جهور

يقرع اللوم وتخلا المشاريه حيل

المشاريه يشطرها طويل الشبور

مثل مايشطر المحتاج بيت البخيل

وانت من ساعة فراقك ليوم النشور

وجهك ابيض ولا للوم صوبك دليل

طمن فوادك اللي كان لي به حضور

لا صدفني فـ انا مسلم وعابر سبيل

والسلام النبيه اللي حذفته عبور

ما انتظرتك ترده جعل حالك جميل

كنت اسلم على قبر الغلا والشعور

غير دورة لاجر ما كنت ادور حصيل

لاني اعرفك انت وساكنين القبور

هجركم ما يجوز وردكم مستحيل