كوبليه ما هي كلمات اغنية بين الأهلى والزمالك صباح ...؟
تاريخ طرح اغنية صباح الجديده بين الأهلى والزمالك
٢٥ يوليو ٢٠١٧
كلمات اغنية بين الأهلى والزمالك صباح 1962
بين الاهلي والزمالك محتارة والله
حب الاهلي والزمالك حيرني والله
أنت أهلاوي.. أنت زملكاوي
الاثنين حلوين.. الاثنين جامدين
الاثنين هايلين.. محتارة أشجع مين
وألا أشيل مين جوه عيوني
روح رياضية وحب إلهي
تسعة وعشرين مليون هاوي
نغمة وبنقسمها خطاوي
يعشقها اللاعب والغاوي
يبقى زملكاوي وأخوه أهلاوي
وابن الاهلي عمه زملكاوي
أنت أهلاوي.. أنت زملكاوي
جوه الملعب إحنا معاكم
جنب التليفزيون وياكم
حتى الودن كمن عارفاكم
جنب الراديو بتستناكم
زي الغنوة باتت حفظاكم
تأليف اهلي ولحن زمالك
عمر الحظ ما كان له صاحب
سوى مغلوب سوى كان غالب
المسألة تكتيك ومواهب
زي القائد لما يحارب
زي الكورة ف رجل اللاعب
يا تروح اهلي يا تيجي زمالك
أنت أهلاوي.. أنت زملكاوي
الجدعنة مش بس ما بينكم
الجدعنة حدش يغلبكم
لما غريب يطلب يلاعبكم
فكروا فى الملايين حبايبكم
ما تخلوش الكورة تسيبكم
حاوروا يا اهلي وشوط يا زمالك
أنت أهلاوي.. أنت زملكاوي
الف تحية لكم يا نوادي
بقلوبنا والله
من اكبر الى أصغر نادي
نهديها والله
طول ما بتجروا ف ارض بلادي
بندعيلكم والله
أنت ، أهلاوي.. أنت ، زملكاوي
اغنية بين الأهلى والزمالك صباح 1962 بالكلمات مكتوبة كاملة من كلمات حسين السيد والحان محمد عبد الوهاب تم طرح اغنية صباح الجديدة على القناة الرسمية على اليوتيوب بتاريخ ٢٥ يوليو ٢٠١٧ كوبليه كلمات اغنية
- كلمات : حسين السيد
- الحان : محمد عبد الوهاب
