كلمات اغنية بحب سكوتي طارق الشيخ 2021

بحب سكوتي علشان راحة من الحكايات

يا ريت كل الحياة تفضل كما البدايات

من إمتى الحزن غير شئ من اللي فات

عايشين في الدنيا نندم ع اللي ضاع في الذكريات

ملعون زمن المصالح اللي خلاكم كده

تابع رغم إني صالح شفت ياما فرهدة

القلب مش مسامح والهموم متجددة

مجروح نفسي أبقى جارح مش كبش فدا

يلا اتفضلوا جبت لكم عيش وملح

وياريت تفضلوا فاهمين الحكمة صح

اللي أنا بعمله ما يتردليش جرح

نفسي تصونوا نفسي وتكونوا ما بتاكلوش على جوع

بلياتشو في سيرك والضحكة دي كانت مهنتي

بفرك في نفسي فرك لأجل أجيب أنا لقمتي

قدامي السكة ظنك وبرضو راضي بقسمتي

والناس واخذاها ضحك بس أنا بوحديتي

حزني أنا في قسا وسنين عمالة تمر

ولعل وعسى إيه اللي فاضل من العمر

الحلو إتنسى طعم الحياة بقى مر

ليه بتعاندي يا دنيا ما تهدي هو أنا غيري مفيش

هديتي في حيلي ظهري خلاص إنحنى

إمتى تروقي لي وأذوق طعم الهنا

بشكر منديلي أستحمل دمعي أنا

بنزف وجع قلبي أتوجع مش عارف أعيش

في ناس كانوا في حياتي غابوا ثابتين في القلب

بفتكر ذكرياتي ببكي وبحزن على حالي

بسرح كثير بوماتي وبشوفهم في خيالي

بصرخ بي في سكاتي من الوجع واللي جرى لي

سابوني للذكرة كم صورة وكم رسالة

عدى عليّ فترة وأنا على نفس الحالة

قالوا يا عالم بكرة هتكون رايقة الغزالة

بكرة جه ما فرحتش ليه هون عليّ يا رب

غرقان في همومي وبحري ده غريق

واقف ليه يومي واهي ماشية بالبطيئ

وبقوم من نومي على جرح وعلى ضيق

أيامي تفوت عايش مكبوت البعد أحسن من القرب