كلمات اغنية راحوا طوني قطان 2018

راحوا يا قلبي وشو بيبقى بعدها، دمعة حنين ونظرة المشتاق

مثل الغريب صاير على بعدها، تشمشم عطر غافي على الاوراق

لحظة وداعك بوسة وسرقتها، من فوق خدك من زمن سراق

عودي حبيبي وقفت وصرختها، رد الصدى درب المحبة داق

معقول بكرة إوعى ما لاقيكي، معقول ما فيّ بعد إحكيكي

معقول بكرة إوعى ما لاقيكي، معقول ما فيّ بعد إحكيكي

تصيري شمس كل ليلة بتغيبي، إنده لك بإسمك وما قل لك حبيبي

بدي ناديكي قل لك أنا ندمان، بس الكرامة خنقت معها الصوت

كنت إلي كنت معي أيام، واليوم على لحظة معك رح موت

لو فيّ مرة رجع اللي كان، وقف معك كل لحظة تا ما تروح

سبحان الله كيف ها الإنسان، ما بيعرف النعمة تا حتى تـروح

معقول بكرة إوعى ما لاقيكي، معقول ما فيّ بعد إحكيكي

معقول بكرة إوعى ما لاقيكي، معقول ما فيّ بعد إحكيكي

تصيري شمس كل ليلة بتغيبي، إنده لك بإسمك ما قل لك حبيبي

معقول بكرة إوعى ما لاقيكي، معقول ما فيّ بعد إحكيكي

تصيري شمس كل ليلة بتغيبي، إنده لك بإسمك ما قل لك حبيبي