كلمات اغنية الحب ماهو ثوب عادل ابراهيم 2021

الحب ماهو ثوب لوضاق لقياس

اتغيـر الـثـوب في ثوانـي وتـرميـه

انته يا فاهـم الهـوى غـيـر الناس

الحـب شيءٍ كبير يصعب تخليـه

أسأل امجرب في ساحة العشق داس

وخطوته هزت قلوب شعبن يرتجيـه

وانته ياشاطر ماسك ابيدينك الفأس

تبي تجرح قلبي بس جرحـك يسليـه

انا استفـزك ابيك تـزعل امن الأساس

ودي اذوق معك طعم الرضاء و تاليه

تذكر انسجام ارواحنا ودفىء الإحساس

احساسي اللي يعزف و الكناري تغنيـه

ابشرك سلبت روحي من بين الأجناس

وصار قدرك بسما و نـجـوم تـحفيـه

لنك سقيتني من حبك كـأساً وراء كـأس

حتى مليته ابغلاك و غرقـت انا فـيـه

انته انا انا انته انته تأج على الرأس

انته الغلا انته الوله انته اغلى هديه

ياللي لو تْمر ابقربي بـدق الأجـراس

اتْرّقَص خيول الشوق في صدري وتْحيّـه

أبسألك ماتشوف ابعيوني انعكاس؟

صورتك ياللي تمليء كوني و تحليـه

يا صاحبي شوف لي عْذر و إلتماس

يزيـن ثـوب الوفـا و الـحب يـمـليـه