كلمات اغنية آه يا لاموني عايدة الشاعر 1986

آه يا لاموني يا لاموني

جم حد دارنا وخطبوني

يامّا يا عيوني هيجوزوني

واحد من البندر

وأعيش وأتغندر .. وألبسله قصير

بالشعر الأصفر .. وأتمتع وأسهر

على حل شعري هيسيبوني

..

يامّا يا عيوني هيجوزوني

واحد صييت .. رنان الصوت

لو غنى يا ليل من كفر الشيخ تسمع أسيوط

على نغم صوته يرقصوني

..

يامّا يا عيوني هيجوزوني

واحد متجوز .. هدخل على ضرة

أضحك وأتنقوز

والضرة تبوز في العيشة المرة

إما أتعبهم أو يتعبوني

..

يامّا يا عيوني هيجوزوني

واحد نجار

يعمللي سرير وستايره حرير

فرشولي ستان .. وأنا فرشي حصير

لو نمت مش هتقوموني

..

يامّا يا عيوني

أنا قلت لأبويا ماله حسانين

فلاح وزين .. مجاورنا سنين

وأرضه وأرضك محتاجة اتنين

حسانين منايا وضي عيوني