كلمات اغنية الطلة الباهية عبدالله الصخابرة 2023

تكفكف الليل وأفكاري برأسي تدور

ما بين ظلم الهوى وأحلامي الزاهية

والله ما عانق الفرحة واشوف السرور

لين أتهنى بشوف الطلة الباهية

حضورها لاتجلت غير كل الحضور

تودي الداهية لا جات في داهية

الفارع اللي تفرعن بالدلع والغرور

بفعول جدانها ال فلان متباهية

عيونها ما تصيب إلا طويل الشبور

دقة سهم عينها في القلب متناهية

طرقا لحق عودها المبري كلافة وجور

من خصرها المنزوي وردوفها الراهية

تقول وضحا على الباتل تسج القفور

طبوعها كايفه و وصفوها ناهية

من دونها أهل الدراهم يضربون الصدور

وعيون اَهلها عليها ما هي بساهية

نصارع الشوق في البعد ونشوف الدبور

وظروفنا الامره في الوصل والناهية

ويلي على جلسة فيها تبادل شعور

واسمع سواليفها اللي تفتح الشاهية

أقدم ع الموت لأرضاها وقلبي جسور

ولا جيت أبيها تجيب اعذارها الواهية

لا قلت جيتك من اللهفة وأموري أمور

قالت ما عند إبلنا راعي وأنا لاهية