كلمات اغنية القلب بيتك عبدالله الصخابرة 2021

يا من جمعت العقل والحسن من قدّك

يحفظك مولاك في حلّك وترحالك

ملكتني بالرضا وازريت لا أردّك

ما يقدر يعاند المستأجر المالك

حتى لو تصدّ ما أجازيك في صدّك

من كثر ما أغليك أعادي من تعادا لك

صورتك في ناظري من كثر ما أودّك

ولا على الشاشة إلا رقم جوالك

ولا على الشاشة إلا رقم جوالك

والقلب بيتك وحدّك وإنت في حدّك

ما يسكنه غيرك ولا أرخصته إلا لك

في روحي وقطعةً من روحي أعدّك

تمون حتى عروق القلب قدها لك

والحاجة اللي تبي مني على يدّك

آمر تدلل وسوي اللي على بالك

سبحان من بالجمال اليوسفي مدّك

خلقك ربي ولا كثر من أمثالك

خلقك ربي ولا كثر من أمثالك

لاجيت أوصفك وصفي فيك ما سدّك

أسمى من الوصف لأنك وصفك لحالك

خص إلى أغضى هدب عينك على خدّك

ولا إلى قمت تبرم خصرك الهالك

ولا إلى من طغى مزحك على جدّك

ولا حجب نور شمسك ليلك الحالك

لعل ربي يلدّ أنفاس من لدّك

وعسى السعادة وأنا قدامها فالك

وعسى السعادة وأنا قدامها فالك