كلمات اغنية حقوق الوسم عبدالله الصخابرة 2023

يا زين المشي في الروض الخضر لا شعشع المخضار

زين المشي في الروض الخضر لا شعشع المخضار

ويا زين الديرة اللي من حقوق الوسم ممطورة

يريح البال سجٍ في الفياض الخضر والمسيار

سعادة للقلوب اللي من السلوان مسرورة

متى عيني تشوف اللي على قلبي ربيع ودار

أشاهد للسعادة في حياة المجتمع صورة

ليا هلت مزونٍ فوقهن تنعومتين صغار

على ذيك اللباب اللي من الرضوان مغمورة

على ذيك اللباب اللي من الرضوان مغمورة

لا منه أصحى سما غر المزون وشعشع النوار

ودجاه أدلى سدوله والقمر متجليٍ نوره

أشاهد لي بروقٍ دونها ربانها تندار

تقول أكباس غازٍ من ورا شلال نافورة

سبح ماهر خيالي في الخباري والبرَد والنار

وأشوف الجمر فوقه دلة الرسلان منحورة

هذاك المنظر اللي ما تشوفه في الحياة أمرار

على شوفة سبابيح الخيال تموت مقهورة

على شوفة سبابيح الخيال تموت مقهورة

حرام إني ما أهني راعي المليون والمليار

ولا أهني عربسات الفضا دورة ومقدورة

أعيش بعالمٍ طول المدى يبقى لها تذكار

عليّ بالحرام إنها حياةٍ مالها جورة

هذا وجه الصحيح ولا على وجه الصحيح اغبار

حقيقة وتمعنها اللبيب بكامل شعوره

حقيقة وتمعنها اللبيب بكامل شعوره