كلمات اغنية طريق العمر عبدالله الصخابرة 2019

ورى ليلةً مل السهر فركة المسباح

يفوح الكلام ويزهر الشعر بكتابه

مثل ما الفرج يشكي على صبره المفتاح

وقفت وعيون السهد وجلا ومرتابه

ذكرته مثل طيرً تنهض على الملواح

كفخ بالجناح وموجعه كسر مخلابه

ذبحني وانا صدري على جال ضوه فاح

تركني على شداد المشاريه لغيابه

تلوح البروق وبارقه بالوصل ما لاح

وعلى كل رجمً حافي الرجل عدابه

ابي جيته لكن نهب هالضلوع وراح

عسى اللي عطاه من المعاليق لي جابه

تقول العرب راع الهوى داله ومرتاح

ما يدرون وش سوى بي الوقت واصحابه

اسمّي عليه ان مرني والعيون رماح

اخاف النفوس ان لد بي يوم تغتابه

ابو ضحكةً خجلا وابو خاطرً مزاح

يوقف طريق العمر كله على بابه

ابا اخفض له من الود والرحمه الف جناح

سما في عيوني لين قلبي تلوا به

ومدام الحطب مع سكرة الليل تو ما طاح

يشيل الزعل من لا عرف طعم عنّابه

عطا كل عرق ً من عروقي وعد وانزاح

وجمع كل جرحً في ضلوعي وصلابه