كلمات اغنية يامقر الزين عبدالله الصخابرة 2021

يا مقرّ الزين ،، يا دمث الطبايع

بالغلا قلبي على قلبك تلوّى

ياعيون اللي على الملواح زايع

عقب ما ناحر سحاب الجو دوّى

مهرةٍ ما ساقها شاري و بايع

ما تسرّح بالخطام وما تضوّى

لو يساق العمر من جيز البضايع

عندها من يحسب انه زاد .. شوّى

فيك يارجوى العمر مانيب طايع

لو تعدووا لي عيال آدم و حوّى

والله اني لـ الوصل ظامي وجايع

اقرب اقرب .. ودي اشبع و اترّوى

قبل اعرفك ما اعرف معنى الطمايع

لين شفت القلب في لآماك نوّى

انت في مغليك سويت الفنايع

يوم زاد الحب لك قلبك تقوّى

سايقٍ روحي مثل سوق القلايع

ما تداري خاطري ولا تروّى

لا تخليني على ارض الشوق ضايع

فـ الغلى سويت شيٍ ما يسوّى