كلمات اغنية اخذت القلب عبدالمجيد عبدالله 2021

دام أخذت القلب..تاركني لِمَن ؟!

إختصرها وخذني لك صورة وصوت

يللي حُبـِّك عندي لا يمكن وَ لَـن

أرضى إني بْغيره أحيا لين أموت

إنّي لك قـررّت أسَجّـلـنـي عَلـَن

وْبسمك أختمها على روحي ثبوت

وشهو أحلا مْن الحياة..إلاّ سجـن

به سجين بْـحب سجّـانـه يموت

حُبـه لك ما مَـر على هذا الزمـن

وْما يمر عادي على الدنيا ويفوت

اللي ماحَب نفسه قد مافيك جَن

وش يسوّي وإنتَ له زاد ٍو قـوت

إنتَ حـاجـة لا تًـقَـدّر بـأي ثـمَـن

تُحفتي..راحات نفسي مْن الشتوت

ضيّ عيني..ضحكتي..أهلي..الوطن

روعتي..حَبكة قصيدي في البيوت

وْقلبي لو له أمنيـة وْ قالو..تِـمَـن

والّذي ‏نجّا النبي من جوف حوت

ما يـبـي غيرك ولا إلغيرك يـحن

لين خفـقـاته يِـوَقـّفـها السكوت