كلمات اغنية قالي تعالي عفاف راضي 1985

قالى تعالى تعالى نطير فى العالى

قولتله لا لا وانا مالى وانا مالى

قالى تعالى عيشى ليالى الحب الغالى

قولتله لا لا ما أنتاش خيالى

قالى تعالى نلفك شالى

قولتله لا انا كده راضية بقلبى الخالى

وسيبنى فى حالى

انا زى ما أكون نسمة هوا طايرة فى دنيا براح

انا قلب حنون بيضم الكون ويعيش سواح

انا لا انا خايفة من الهوا ولا شايفة الحب جراح

وانا عارفة ان طريق العشاق فرحة وأفراح

وانا عارفة ان الحب طريقى ومنايا يكون حب حقيقى

من غير كده وحدتى دى تهنالى

والحب ميخطرش فى بالى

مهما ندالى

انا زى ما اكون بستان عطشان مليان أسرار

بحلم بالشمس الدافية وربيع الأزهار

بحلم بالنور والهوى وأتمنى ليل ونهار

وانا عارفة ان طريق العشاق فرحة وأنوار

وانا عارفة ان الحب طريقى ومنايا يكون حب حقيقى

من غير كده وحدتى دى تهنالى

والحب ميخطرش فى بالى

مهما ندالى