كلمات اغنية راح الزمان علي بن محمد 2020

راح الزمان وحلو الأيام روح

يا قل من وقف ويا كثر من طاح

يا صاحبي لا عاد تجمع وتطرح

ما عاد باقي في العمر كثر ما راح

سمعت نايحه الحمايم تنوح

عليك يا وقت المسرة والأفراح

متاعب الأيام توجع وتجرح

وتزاحمت في قلبي أوجاع وجراح

كثر البكا ما فاد قيس الملوح

كثر الحكي ما سر يا صاح من صاح

بعض الحذر ما زاد رزق ومربح

وبعض الخساير ما تعوض بالأرباح

الحظ مايل والليالي تمرجح

والدايم الله والمخاليق سواح

الناس بالدنيا كراسي ومسرح

وما أحد على دنياه راضي ومرتاح

وين القلوب اللي تداوي وتجرح

وين العيون اللي بها ظل ابرتاح

مسك الكلام المختصر والموضح

وين أنت يا درب السعادة والأفراح

راح الزمان وحلو الأيام روح

يا قل من وقف ويا كثر من طاح

يا صاحبي لا عاد تجمع وتطرح

ما عاد باقي في العمر كثر ما راح