كلمات اغنية أهل الخيل عمر العيسى 2015

يا اهل الخيل ياربعي زحول الرجال

في طلبكم نسخر ندر جزالها

نعتني بالمشاعر فوق روس الطوال

لين يكسب رضا الجمهور من قالها

السبب راس مال وعرفكم راس مال

والمداغيش ممشاها مع امثالها

يوم تصهل تزعزع شامخات الجبال

مثل مايرجف الرعاد بخيالها

والمعارف ليا راحت يمين وشمال

كنها بنت شيخ تنخي رجالها

يوم تنثر شعرها بين خوف ودلال

تشلع قلوب خلق الله وعزالها

ويوم عقرب شليل الذيل زاد الجمال

مثل نافورة جينا على جالها

والقطاة العريضه والمناخر جلال

يوم تضبح بعد ماشاش خيالها

تقل مدهونة بالزيت والزيت سال

والشرايين بانت من تجوالها

عينها واسعه فيها بحور الخيال

تتعب العاشقين وتقصر امالها

من غلاها امبرقعها ونضفي الاجلال

والنشاما تشاركها مع عيالها

هي ركوب النشاما يوم شهب الليال

فتنة جعل فال الله ولا فالها

يومها للتنقل و الوغى والقتال

دونها مزنة مايكذب خيالها

يوم صفيت مشاربها وعذب زلال

اغمد السيف والعزه على حالها

في ميادين لز الخيل والا الجمال

أهلها تبغي القمة وتسعى لها

كم من غترة طشت ومعها العقال

يوم قنايها صفق وحيا لها

يا هل الخيل ربي خصكم بالكمال

هيبة من قناها لبس سربالها