كلمات اغنية دكني الشيب عمر العيسى 2024

يَالله ياللي تَعلم البُوح والغيب

يا فَارج الهمّ العَـسير بسكِـينة

يا غَافـر الزلّات يا سَاتـر العـيب

سبحانك الرّحمـٰن عَن كلّ شينة

..

أسألك يالرّحمـٰن من دُون تَجريب

أَقبــلت لك ربّي ونَفــسي رهيــنة

مدّيت لك كَف الرّجا والمطَاليب

فـلا تــردّ اللي رفَــع لك يديـــنه

..

ياربّ تلطف بي تَرَى دكّني الشّيب

شيب الهـموم اللي يدكّ الثّخـينة

وترحَمني برحمَتك يا مَانح الطّيب

مَـالِي سـواك اللي يبــدّ الغَبــينة

..

جِيتك وانا عَبدك مَلَته النّخاريب

فَلا تواخِـذ ما مـضَى من سنِــينه

فاغفِر لي الزلّات واستِر لي العيب

نَفسِي على كثر الخَـطَايا سجــينة

..

يارب تَجعل لي من الخِيرة نصيب

وتمـطِر عليّ الخِـير في كلّ حِيــنه

وترزقني الجــنّة وخير العـوَاقِيب

في جنّـة الفـردُوس دار الثّمــينة