كوبليه ما هي كلمات اغنية ياصاحبي عمر العيسى ...؟
تاريخ طرح اغنية عمر العيسى الجديده ياصاحبي
٠٩ فبراير ٢٠١٩
كلمات اغنية ياصاحبي عمر العيسى 2019
ياصاحبي عطني من الوقت ياصاح
محتاج شورك عل يرتاح بالي
وش قولك بخلٍ معودني ارتاح
واليوم ماكنه يهمه وصالي
العشق لامنه تملك بالأرواح
خلى حكيم الرآي شخص إنفعالي
قد طاح قبلك صاحبك بالهوى طاح
ماتشوفني دايم أهوجس لحالي
البال بغيابه من الضيق سراح
يطري علي وأنا بعز انشغالي
واليا حضر صوته جلى همي وساح
و أتخيله جالس يسولف قبالي
مايشقي العاشق سوى البرق لا لاح
يفضح ظلام مخرمسات الليالي
عطني وصوف اللي خذا عقلك وراح
اللي علشانه غدا المرّ .. حالي
أبختصر لك وأنت بالعرف لماح
مثل الثريا صيتها دوم عالي
غنجى حلاها غير بالزين تجتاح
كل البني عنده غدن كالرجالي
يعني تشابه بالطرب لحن سواح ..!
والغيد .. ياله يالالا يالالالي
طاح العتب واللوم عن كاهلك طاح
واللي يعذلك جعل يصلاه صالي
وجه القمر خده نبت فيه تفاح
نظرات عينه بالغنج كلها لي
اليا تبسم يلعَبنْ لعب مسباح
دقات قلبي بين واطي وعالي
مستعصي حالك على كل جراح
ماهو بعيد عنك بالحيل حالي
بهّر قصيدك ريحة الشوق لا فاح
تقعد خفوق اللي عن الحب سالي
اغنية ياصاحبي عمر العيسى 2019 بالكلمات مكتوبة كاملة من كلمات عبدالله العميم & ضيف الله الهواوي والحان عمر العيسى وتوزيع وسيم عزي تم طرح اغنية عمر العيسى الجديدة على القناة الرسمية على اليوتيوب بتاريخ ٠٩ فبراير ٢٠١٩ كوبليه كلمات اغنية
- كلمات : عبدالله العميم & ضيف الله الهواوي
- الحان : عمر العيسى
- توزيع : وسيم عزي
