كلمات اغنية لي صاحب عيسى الكبيسي 2023

لي صاحبٍ كُنت احبُه طول عليّه غيابُه

شمسُه عليها غيوم

كان دايم يجيني واشوف ماهو جوابُه

واشاهدُه كل يوم

لاشك ربعو وشوا لُه من يوم ما ردّ بابُه

عني فلاشي علوم

وش اخرك يا حبيبي الخوف ولا المهابه

من كلمة اللي يلوم

يا عقد كادي وريحان يا عسل في شرابُه

داوي جميع السموم

يا سابقٍ كُل جيلُه خليت عاشق صبابه

بعدك بحالة وجوم

ابو العيون الكواحل والكُحل زاهي خضابُه

حلو الحكي والرسوم

من يوم فرقاك قلبي محدٍ يهون مصابُه

مالو بغيرك لزوم

الله عليه المشاكي ما خاب منهو اللتجابُه

فوق الخلايق رحوم

قادر يردك على خير ياللي فتني شبابُه

حال الجفا ما يدوم