كلمات اغنية ليت المطر يسقيني غريب ال مخلص 2024

يا نور عيني ، طير هجرك ناح

مافيه غيرك قد ملا عيني

غايب وانا بعدك كسير جناح

ماعاد تنقلني جناحيني

بُعدك ذبح مغليك دون سلاح

وابوي في حبّك موصيني

مات الأمل ، والشوق ملّ وراح

منهو على فقده يعزّيني

ضد الهوا العاتي لبست وشاح

لا حافني بردك يدفيني

لو طاح دمعي ، خافقي ما طاح

العز يجري في شراييني

مابين راس المال والارباح

حسبتها في راحة ايديني

وانا عزيز ، ماهو بمرتاح

ماعاد ابي العالم تواسيني

كحل العيون بدمعتينك ساح

وانا المقفّي ، دينه وديني

صدفتك وشفتك ، وسدّي باح

وانت العلاج اللّي يهدّيني

ليلك عن الصبح البهيج انزاح

وانا سهرتك ، يامعنّيني

برق المحبّه في جبينك لاح

ليت المطر لا هلّ ، يسقيني

خمريّتك فاحت وعطرك فاح

شفت المسافه بينك وبيني ؟!

واصبحت طير يعشق الملواح

اشفق على صوتٍ ، يناديني