كلمات اغنية الجفره فايز الدوسري 2020

لعل الخيال اللي نشا من جهت منشاه

مقاديم نوه كأنهن خشوم جبال

سنى نور برقه في مقادمه والمثناه

سمر بارقة ولي يخايله ليله طال

لعله على الجفرة ينثر غزاير ماه

يمل الخباري ما طره راكدً همال

شمالية اشمل لين تقبل على الحصاه

وجنوبية ايكفه حداء والشماس شمال

وغب المطر ما به شعيبً ما جا بملاه

وعسوسه تعاقب منوت المصلح الوبال

ديار مراتع شول ما هي مراتع شاه

على خدها صخف العشاير لها مدهال

بعد زان نبت الصيف خالي ولا أحدً جاه

تناوير نبته تشرح البال بالأشكال

يا زين أم سالم في فياضه لها نوناه

تكاسر بعذب الصوت وتكرر الموال

تعنوا له أهل البل وجا لبدو طراه

يجونه ولو دونه تبى تكثر الأميال

رعوبه ابوضح في زمان الدهر مطغاه

على صوت راعيها تقول إن فيها الجفال

شناحً طروب كل ما سمعت الوداه

يخفف لها ثم بدلت مشيها زرفال

تلادً قديم لاشرايا ولا مهداه

(وتراء البل يقولون العوارف عضام المال (العوارف عضام المال