كلمات اغنية الجنوبية فايز الدوسري 2025

يالله إني طالبك دعوه والها وجوب

تجمع شتات المحبين ما غيرك ولي

والزمان شحيح واللي يعانده امغلًوب

والسنين عجاف جذب الزمان الممحلي

والهجوس من التفاكير جت من كل صوب

عادت الذكرى بماضي قديماً بجهلي

والمشاعر شاشة الفكر وأسرار القلوب

ترجمة صدق المعاني و فيها مايلي

والجنوبية تغني علي طرق الجنوب

ذكرتني حب بخوت بدوي(ن)رحلي

بنت شيخن في الجهل مدته تملا الجيوب

من سلايل لابتن فعلهم مايجهلي

هرجها احلامن حليبٍ على الشهد محلوب

در بِكرٍ في المهامل مراتعها خلي

لذهب لو لامس يديه من صلبه يذوب

مفرداته من ذهب والذهب ماينطلي

والله انه غالين عندنا ونه محسوب

عالين قدره تعدا النجوم الزحلي

الهدف عن سائر الناس محمي ومحجوب

ونت عطني زبدت العلم لا تخفي علي

والتجانس عن بين القبايل والشعوب

والمطوع يقصر الثوب ولا يسبلي

جدنا شبّاب نار وزدناهه شبوب

و‏اشرب الفنجال ويطيب كيفك ياجملي

من صمايلنا يبين الصدوق من الكذوب

ون حضرنا كل جربن جربها ينطلي

واحتزم ببن جلوي لا جارا طق الكعوب

و ان بغيته سالم الزير ولا مهلهلي

منهجه صعبن على اللي تضيق به الدروب،

صامل الهقوات منه الحريب مزلزلي