كلمات اغنية الحر العديم فايز الدوسري 2020

يالله ماغيرك عفو ولا رحيم

ولافيه غيرك ياالآهي نعبده

سبحان من يحيي العظام اللي رميم

ورافع سمواته بليا اعمده

نعوذ بك من كل شيطان رجيم

عفوك ولطفك كل مسلم يسعده

ويارب تهدينا الصراط المستقيم

وتكفينا نار تتطلع للافئده

ذكرك طوال اليوم يجعلني سليم

في كل وقت اشكر عطائه واحمده

الناس هاذا الوقت صاحيها غشيم

ولاكل صاحي ياجماعه نقصده

ولاكل منهو قال له حكمه حكيم

واكيد في النقاد منهو ننقده

اليا استوا خطي مع الليل العتيم

والجيب كنه مروحً ريح بلده

واللي يقول اتسمع لشعبي قديم

شريطً مسري ليا خلص عده

انا اسمع لسيرة راع المجد المقيم

اللي فعوله مبهره وتمجده

اسمه وفعله يشبه الحر العديم

وصيته ومجده كل يوم يجدده

هذا فهد واركد يامداح الذميم

راسي ترا ماكل طيب يقعده

لاكن ابو مقرن وتالله العظيم

يحكي به التاريخ قبله وبعده

شيخً ذرا بشته كسب مجداً عظيم

يفداه من بشته حجزبه مقعده

اليا نخاه اللي من الراحه يتيم

يرجع واله راحه مثل راحة يده

اقل مايعطي من جيوب البريم

واكثر مايعطي دم روحه وجسده

وان جاء قضيت دم شوره فالصميم

جاهه يرد السيف في وسط اغمده

وان كانها بالمال مسجونك سليم

الشيك ابو مليون تختار عدده

هذا الكريم اللي يسمونه كريم

شيكه وسكينه تلهب في يده

اسمك على شخصيتك ماهو عقيم

انت الفهد وفعولك اللي تأكده

اخذو طلاق المرجله كبو الحريم

رجال ينصى فهد يبشر بسعده