كلمات اغنية تبسمي فايز الدوسري 2023

من تالي الايام مشقي خاطري نوح الحمام

الي يهيض خاطري صوته ليا جر لحنه

الشعر بدعه معركت حربٍ ماهي ويا السلام

مثل الرحاء الي كل حبٍ طب فيها تطحنه

يافارست خيل القصيد الي بلا سرج ولجام

الخيل تاخذ منك مشي الغطرسه والهيمنه

خدك ورى هاك الجديل ياشابه لـ بدر التمام

وجه الشبه لو منك ياخذ كثر ماتاخذ منه

تبسمي واخذي عيوني للقصايد والغرام

بالشفه الي كنها الجمره بوسط المدخنه

من الغزل باقول لك وش قال زيد ابن غيام

من تو ماشافت غزير الزين عيني - عينه

لعيونك الي وسطها الموت الحمر يرسل سهام

تذر فيها الكحل الاسود في هدبك وتدفنه

عينك تنام وهي وصايفها مطيرة المنام

الزين هذا موطنه والموت هذا موطنه

فنجال صين فيه كيف صبته لجل الكرام

من وسعها من طاح فيها راح ماينشد عنه

الله عطاك معنق ولبه ومجدول وقوام

وعودٍ يلاعبه الهواء مع الجذوع المغصنه

صدرٍ تقول مبني في وسط صاهده الخيام

الي تجي فالميسره والي تجي فالميمنه

وش لون خصرك منزوي تقول مشدود بحزام

وردوفك الي كلبوها ملعنه في ملعنه

الي يحاظي مثل زينك في قصيدة مايلام

لجلك تجي كل الامور المستحيله ممكنه

شيخة حلا شيخة دلع شيخة حسن شيخة مقام

مع اختلاف العمر ولا فأختلاف الازمنه