كلمات اغنية تسعة أشهر فايز الدوسري 2024

اعيوني فيك للعبرة مواري

عزتي للمشتحن من دمع عينه

تسعة اشهر جارية والدمع جاري

ما بقى يا عين شي تذخرينه

لا درى حي ولا حي بداري

يدري اللي عز مكة والمدينة

لا درى حي ولا حي بداري

يدري اللي عز مكة والمدينة

يا الله إشرح خاطري عقب الطواري

وارحم اللي دايم نفسه حزينة

ما يباه منصب ولا سوق تجاري

يطلب إنك ترحمه وإنك تعينه

قالها اللي ما دخل جو حضاري

تارك القصر للي مهتوينه

ما يبا غير الصحاري والبراري

والنفوذ اللي به للصيد عينه

في نفوذ القفر ونقص الأثاري

فوق جيب لدرج مثل السفينة

وخبة فيها الأرانب والحباري

عيشة من دونها غبن وغبينة

ورنية في صيحة ما هي ذواري

والغضاء من عصر فيها حاطبينه

والدلال الصفر مع بيض الغواري

ونجرها في جنبها تسمع دنينه

وخويا الإثنين والثالث مباري

وهادي السايق عسى تسلم يمينه

يا حياة الشين يا دنيا العزاري

جعل عصر فاتني ترجع سنينه

اتركوني في الخلا حدب وصحاري

والله إني قابل زينه وشينه